#أحرار25|#25يناير|د. احمدعبدالحميد- الناشط السياسي عبر فيس بوك:
المهم، شايف اليوم مهم. و “ناجح”.
س1: مافيش هدف بعينه
ج1: وهو لما الناس نزلت 25 يناير 2011 كان في أي هدف أصلا؟!
س2: مافيش حاجة حصلت
ج2: في فرق بين “الاستراتيجي” و “التكتيك”.
مرحليا، مجرد مشاهد القبض على أطفال، و سبهم، و اصطياد اطفال بالقناصة، بتنطق في عين الأعمى، فين الصح و فين الغلط.
س3: في ناس ما نزلتش
ج3: في ناس كتير نزلت، وهما عارفين انهم نازلين في وش رصاص حي.
مش رصاص مطاطي زي 2011.
س4: ما فيش حاجة اتحققت النهاردة
ج4: في كتير اتحقق. اضعف الإيمان في ناس بقت مكسوفة تقول انها بتأيد أي حاجة في اللي بيحصل، و إنه غلط… أي حد عنده “عقل” أو حبة دم، مضطر ياخد خطوتين لورا. بس في نفس الوقت مش قادر يأيد. فــ الحل الوحيد عشان ضميره يعرف يبلع اعتقال اطفال، و سبهم بأصعب الشتايم، أو قنص اطفال، أو تدمير راس شباب، او اعتداء على بنات …. أسهل حاجة عشان ضميره يرتاح يقول “منهم لله الإخوان”. ده بيريح ضميره، و بيشيل عنه المسئولية. بس مجرد انه اتنقل من خانة المؤيد، أو الغير مبالي، لخانة اللي بيدور على سبب عشان ينام… ده في حد ذاته ح يوجعه، ولو بعدين.
س5: دم اللي ماتوا؟
ج5:
مات تقريبا أقل من 70. لو كان في سلاح، و ناس شايلة سلاح، كان اقل رقم ح يموت 7000. السيسي في الخطاب المسرب، عارف ان تكلفة حمل السلاح تساوي 50 ألف قتيل بشكل مباشر.
يعني إذا كان كل دايرة في علاقاتك حاليا فيها واحد مُعتقل (لأن في اكتر من 20ألف معتقل حاليا) فبدل ما يكون معتقل ح يكون “شهيد” و حالة التار ح تتحول لنار مجتمعية. ف السلمية مش اختيار.
س6: انزل تاني؟
ج6: انت لوحدك اللي بتقرر. ما فيش حد يقدر يقرر عنك. ولا حد يقدر يوجهك. اعمل اللي شايفه صح من وجهة نظرك.
بس الغلط أكيد، انك تأيد الظالم ولو بكلمة، أو بالسكوت وقت ما يتطلب منك تتكلم. على الأقل، أضعف الإيمان، تكون واضح في تحديد الظالم، و الظلم.
س7: الإخوان؟
ج7:
سمعتوا نتنياهو و هو بيقول إن عدونا في المنطقة إيران (عشان ح تجيب نووي)، و ال “إخوان” و بنتعاون مع حكام عرب ضدهم. لو ما حصلش اي حاجة تانية، ده لوحده شرف ليكم. كلنا “أفراد” وانتوا “الجماعة” الوحيدة المتماسكة من 80 سنة… ربنا يثبتكم.
مافيش حد قدم شهدا، و ضحايا “فشل” و “قتل” أكتر من الإخوان، صفحة الاشتراكيين الثوريين، (اللي بأيدهم)، قامت الدنيا و ما قعدتش عشان الرفيق مصطفى اللي “اتحبس” و بيعتبروا مرسي خاين عشان الرفيق مصطفى ، طب و اللي ميت لهم آلاف، و معتقل ليهم آلاف، و مصاب آلاف… آلاف مش مجاز، فعلا آلاف… يعملوا في “الساكتين” ايه؟ ربنا يثبتهم، و يرزقهم على قد نيتهم،
و يرزق كل “مُخلص”
#أحرار25|#25يناير|د. احمدعبدالحميد- الناشط السياسي عبر فيس بوك:
المهم، شايف اليو...
شبكة نبض اونلاين
www.nabdon.com
ليست هناك تعليقات:
إرسال تعليق